SIMBA YAJIPANGA KUWASILISHA BARUA TFF, NI KUHUSIANA NA KESSY KUICHEZEA YANGA NGAO YA JAMII,,,,,

Uongozi wa Simba, umejipanga kuwasilisha barua kwenye Shirikisho la Soka Tanzania (TFF), ukipinga na kutaka maelezo kuhusiana na uamuzi wa shirikisho hilo kumruhusu beki, Hassan Kessy kucheza mechi ya Ngao ya Jamii.

Kessy alicheza mechi hiyo wakati Yanga ikiivaa Azam FC na kupoteza kwa mikwaju ya penalti baada ya dakika 90 za sare ya 2-2.

Kessy ambaye alikosa penalti katika mchezo huo, ikiwa ni penalti yake ya kwanza katika mechi ya kwanza Yanga, ana mgogoro wa usajili kwa kuwa Simba imesema alisajiliwa wakati akiwa bado na mkataba na Simba.

“Kweli kuna juhudi zinafanywa na barua inaweza kuwasilishwa TFF leo, Simba tunataka kupata ufumbuzi wa jambo hilo,” kilieleza chanzo.

onthespottz.blogspot.com