HATMA YA YANGA NA AZAM IPO MIKONONI MWA HAWA,,,,

Mchezo wa marudiano  kati ya Azam FC dhidi ya Esperance utachezeshwa na marefa wa Morocco.
Marefa wa nchi jirani na Tunisia, Morocco ndiyo watachezesha mechi ya marudiano hatua ya 16 Bora Kombe la Shirikisho Afrika kati ya wenyeji, Esperance dhidi ya Azam FC ya Tanzania.
Mechi hiyo itachezwa leo Uwanja wa Olimpiki  mjini Rades na marefa watakuwa ni Redouane Jiyed atakayepuliza filimbi akisaidiwa na Mouhib Abdallah Filali na Essam Benbaoa wote wa Morocco.

Azam FC inahitaji kuulinda ushindi wake walioupata kwenye mchezo wa kwanza wa 2-1 Dar es Salaam ili kusonga mbele katika mchujo wa kuwania kupangwa makundi ya ligi ndogo ya michuano hiyo.
Mechi ya marudiano hatua ya 16 Bora Ligi ya Mabingwa Afrika kati wenyeji Ahly na Yanga Uwanja wa Borg el Arab mjini Alexandria, Misri Jumatano utachezeshwa na marefa wa Mali.

 Marefa hao ni Mahamadou Keita atakayepuliza kipyenga akisaidiwa na Balla Diarra na Drissa Kamory Niare, wote wa Mali.
Yanga inahitaji ushindi wa ugenini Jumatano ili kwenda hatua ya makundi ya michuano hiyo, baada ya kulazimishwa sare ya 1-1 kwenye mchezo wa kwanza Dar es Salaam. 
Iwapo Yanga itatolewa, itakwenda kumenyana na moja ya timu nane zilizofuzu kwenye Kombe la Shirikisho kuwania kupangwa kwenye makundi ya kucheza michuano hiyo ya pili kwa ukubwa ya CAF katika ngazi ya klabu

.thomasmachupa@gmail.com